كود سبور//

دافع الإسباني بيب گوارديولا مدرب مانشستر سيتي النگليزي على بطولة كأس العالم للأندية، المقامة حاليا فالميريكان، بعدما تعرضت لانتقادات كثيرة، بسبب توقيت إقامتها أو بسبب كثرة التوقفات اللي عرفتها الماتشات ديالها بالعواصف اللي كاينة فالولايات المتحدة الأمريكية.

وهضر بيب گوارديولا مدرب مانشستر سيتي، وقال فتصريح له: “كاينين بزاف ديال الأندية كايتشكاو من إقامة هاد البطولة غير حيث ما مشاركينش فيها، وراه ما كرهوش يشاركو فيها حتى هما، ويحضرو فيها حتى هما مع الإعلام ديالهم وجمهورهم”.

وخلقت بطولة كأس العالم للأندية “الميريكان 2025” فالنسخة الجديدة ديالها، جدل كبير بين مؤيد ومعارض لها، حيث فيها تغييرات تنظيمية كبيرة وتوقفات كثيرة الماتشات بسبب العواصف.