كود سبور//

غايبقى الدولي المغربي حكيم زياش مع گلطة سراي التركي، اللي تفاهمو مع تشيلسي النگليزي باش يشريو العقد ديالو بشكل نهائي.

الإعلامي الطالياني فابريسيو رومانو المتخصص فانتقالات اللاعبين فأوروبا، واللي متبع ملف حكيم زياش مزيان، كشف تغريدة على موقع “X”، ان النجم المغربي ما غايرجعش لتشيلسي وغايبقى فگلطة سراي فانتقال دائم بعدما كان بريطي هذا الموسم.

ووضح نفس المصدر، ان تشيلسي اللي كانو مصيفطين حكمي زياش بريطي لگلطة سراي، توصلو من الاخير بتفعيل الشرط الجزائي وجاوبوهم بمراسلة تؤكد تفعيل الاتفاق.