وكالات //
بيونسي وراجلها جاي زي كيفكرو يتاخذو إجراءات قانونية ضد كانيي ويست من بعد ما نشر منشورات مسيئة استهدفت ولادهم التوام.
فمنشوراته على “إكس”، هاجم كانيي ويست “YE”، اللي عندو 47 عام، عائلة كارتر، وشكك فقدرات التوام “رومي وسير” اللي فعمرهم 7 سنين.
وقال: ” واش شَاف شي واحد ولاد جاي زي وبيونسي الصغار؟ كيبانو متخلفين عقليا”. وزاد : “هادشي علاش التلقيح الاصطناعي نعمة كبيرة. إنجاب ولاد متخلفين عقليا هو اختيار شخصي”.
هاد المنشورات اللي قالو عليها بزاف الناس أنها مسيئة، خلاو بيونسي وجاي زي يفكروا فاتخاذ إجراءات قانونية ضد كانيي ويست.
وقال واحد المصدر مقرب من العائلة أن الثنائي ما قادروش يقبلوا هاد التصريحات اللي فيها تجريح و مساس بوليداتهم.
