الرئيسية > آراء > گاليك كيحللو. هادو كيخربقو. شي مدرب وشي لعاب كان على قد الحال كينصحو فالركراكي: امتلاك الكرة وغلق المساحات مفتاح الاسود للتأهل. وا بنادم سمعو اش كيقول المدرب بعدا. راه بوسيسيون دو بال ما بقى يعني والو وعانونا غير سدو فمكم
30/11/2022 09:30 آراء

گاليك كيحللو. هادو كيخربقو. شي مدرب وشي لعاب كان على قد الحال كينصحو فالركراكي: امتلاك الكرة وغلق المساحات مفتاح الاسود للتأهل. وا بنادم سمعو اش كيقول المدرب بعدا. راه بوسيسيون دو بال ما بقى يعني والو وعانونا غير سدو فمكم

گاليك كيحللو. هادو كيخربقو. شي مدرب وشي لعاب كان على قد الحال كينصحو فالركراكي: امتلاك الكرة وغلق المساحات مفتاح الاسود للتأهل. وا بنادم سمعو اش كيقول المدرب بعدا. راه بوسيسيون دو بال ما بقى يعني والو وعانونا غير سدو فمكم

كود الدوحة ///

شي جوج قدمو ريوسهم محللين رياضيين قالو لوكالة المغرب العربي للانباء باللي “امتلاك الكرة وغلق المساحات مفتاحان للأسود لهزم كندا والعبور للدور الثاني”. هادو هما سعيد رزقي اللي لعب مع اولمبيك لحليب وكمل بعد ما دمجوه فالراجا وهشام جدران اللي قال ليك مدرب شي فرقة فقطر.

دابا هادو ما كانش عليهم يسكتو. اش لاحهم يهدرو فهاماتهم قبل الماتش ب24 ساعة.

هاد العبارة ديال “بوسيسيون دو بال” راها ما كتعنيش انك محلل وكتفهم فالكورة٬ ثم يا لفهايمية خاصهم تسمعو لوليد الركراكي راه فكل الندوات الصحافية كيگول وكيعاود “راه بوسيسيون دو بال” ما يمكنش تعني باللي غادي تربح الماتش.

الركراكي فهاد الندوات اللي دازو قال باللي السعودية امتلكات الكورة فماتشها مع الارجنتين يالله 30 بالمائة وربحاتها. المغرب فماتشو اللول مع كرواتيا كان عندو 35 بالمائة وخرج تعادل.

يعني هاد الشي اللي كتقولوه غير تخربيق.

النقطة الاخرى ديال “اغلاق المساحات” كتجيني تعبير غبي. حقاش كاع فراقي العالم كديرها. المشكلة ماشي تخلغ المشكلة واش عندك لعابة يقدرو يديرو ليك هاد الشي.

ثم كيفاش باغي تغلق المساحات؟ ايلى كنتي باغي تقلب غير على تعادل ومع فرقة كبيرة بزاف اييه. كندا راها مقصية. ما خاصهاش تربحنا.

عافاكم يا لفهايمية سيرو دورو ليهم فسوق واقف ولا قلبو على قناة الكاس ولا القرعة ولا الطاس وگولو فيها فهاماتكم الخاوية.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب