الرئيسية > كود-تيفي > گاليك كورونا. شكون كيحمي “بوكا گراندي” اللي رجع ريسطو بواط وواش اعفاء عامل انفا عندو علاقة بهاد التسيب =فيديو=
21/07/2020 11:00 كود-تيفي

گاليك كورونا. شكون كيحمي “بوكا گراندي” اللي رجع ريسطو بواط وواش اعفاء عامل انفا عندو علاقة بهاد التسيب =فيديو=

گاليك كورونا. شكون كيحمي “بوكا گراندي” اللي رجع ريسطو بواط وواش اعفاء عامل انفا عندو علاقة بهاد التسيب =فيديو=

أنس العمري ـ كود ///

شوفو لمرفحين كيفاش متحدين كلشي فالبلاد: بواط وسط گوتيي فكازا

Publiée par Goud.ma sur Lundi 20 juillet 2020

هادي يومين كان فيديو كيدور فالواتساب على سهرة بموسيقى عالية بزاف. هاد الفيديو نشرو شي واحد من كلينات هاد ريسطو اسمها “بوكا گراني” كاينة فزنقة ابو شعيب الدكالي فحي گوتيي وسط كازا.

الموسيقى مزيان واخا كاين نقاش على ديسيبيل ديالها اللي خاصو يكون وعلى واش ريسطو ولا بواط. علاش هاد الشي؟ ايلى صدقنا وزارة الداخلية وبيانات الحكومة راه ما سمحوش ليبواط يفتحو. هو اصلا ماشي بواط. هاد الشي ديال عدم السماح ليبواط راه فالعالم كولو تقريبا ماشي غير المغرب. كلشي خايف من تخرج شي بؤرة دكورونا فيروس.

فالفيديو مول الريسطو ما احتارم حتى حاجة من اجراءات فرضاتها الدولة بسباب هاد الجايحة. دراري ودريات كيشطحو. كلشي باغي يشطح ولكن دابا ما مسموحش. الفيديو مستفز

دابا شكون اللي كيحمي مول هاد الريسطو. حقاش باينة من الموسيقى من الاجواء والاضواء هاد الشي راه جديد. يقدر الجيرون يكذب على شي حد وينكر كاع ولكن راه كاينين السكان والدولة عندها امكانياتها تعرف باللي هاد الشي يالله وقع.

كيفاش عامل انفا اللي دخل فريسطو لمرفحين وعاقبهم ب48 ساعة توقيف٬ عاقبوه وطيروه.؟ واش عندها علاقة باش يكون التسيب وشكون من الدولة باغي هاد التسيب. دابا لا كلام الداخلية لا وزارة الصحة لا رئيس الحكومة عندو معنى قدام هاد التسيب لكبير اللي وقع فهاد المطعم.

كاين شي كلينانات كليميني براهش كيهددو وكيعتاقدو ان المغرب ديال باواتهم يشريو بفلوسهم الموسخة كلشي٬ هادو غير براهش وحالهم ساهل. حقاش كود باش بغات تبع الموضوع جاتها تهديدات غبية بغباء هاد الكيليميني. دابا واش الدولة متواطئة مع هاد التبرهيش والتحدي؟

موضوعات أخرى

11/08/2020 14:00

فضيحة بجلايلها فزمن الاحتراف.. الجيش والحكم والمندوب ارتكبوا خطأ فادح فاش سمحوا ب 4 ديال التغييرات والجديدة بغات تربح بستيلو والجامعة: الاعتراض ما واكلش