كود كازا ///
بنت الباشا عمدة مراكش فاطمة الزهرا المنصوري للي عندها منصب وزاري فالحكومة وهو وزيرة السكنى والتعمير وسياسة المدينة٬ بطلة فماراتون. كيفاش؟ العمدة اللي كانت فهاد المنصب قبل سنوات ورجعات ليه فاخر انتخابات بلدية تفضحات بصورة بانت فالماراتون 35 الدولي اللي تنظم البارح الاحد 26 يناير 2025 وربحها الكيني الفونس كيغين كيبووت وهي صورة مشاركين فهاد الحدث الرياضي الكبير كيبولو على حيط فعاصمة السياحة فبلادنا.
كيفاش عمدة دوزات سنوات فهاد المنصب ما قدراتش تحل مشكل ماشي جديد. مشكل كتبات عليه الصحف المحلية وهدرو عليه ناس المجتمع المدني ونبه ليه الفاعلين فالقطاع السياحي.
واش هاد المدينة اللي المغرب كيوجدها باش تكون واجهة للمغرب فحدثين كبيرين: الاول افريقي كأس افريقيا للامم نهاية هاد السنة وبداية السنة المقبلة والثاني عالمي وهو مونديال 2030 ٬ ما قادراش تحل مشكلة كتبان صغيرة.
مجلس بلدي فشل يحل قضية الطواليط فعاصمة البهجة والسياحة راها فضيحة كبيرة. اللي كاين هو ان بنت الباشا من خلال منصبها هي المسؤولة على فضيحة البول على الحيط
