گود سبور//

ما بقى والو لكاس افريقيا 2027 ديال لعيالات اللي غادي ينظمها المغرب، والناخب الوطني خورخي ڤيلدا غادي يخرج يكشف على اللائحة.

وحددت الجامعة الملكية المغربية لكرة القدم، يوم الجمعة الجاي موعد لإعلان خورخي ڤيلدا على لائحة المنتخب الوطني المغربي المشاركة فكاس افريقيا د العيالات 2027، واللاعبات اللي غادي تدار فيهم الثقة للدفاع على التوني د المغرب فهاد المسابقة.

ومعولين الجامعة الملكية المغربية لكرة القدم، على هاد النسخة من كاس افريقيا للسيدات للتتويج باللقب، بعدما وصل المنتخب المغربي للفينال فجوج نسخ فاتو كانو حتى هما منظمين فالمغرب، قبل ما يخسر الاولى مع جنوب إفريقيا والثانية مع نيجيريا، ودابا معولين الثالثة تكون ثابتة.

وكاين المنتخب الوطني المغربي مستضيف البطولة، فالمجموعة الاولى مع كل من الجزائر والسنغال وكينيا، والمسابقة غادي تبدا يوم 26 يوليوز حتى 16 غشت.