الوالي الزاز -كود- العيون////

[email protected]

وافقات لجنة الشؤون الاجتماعية فبرلمان البليار، الخميس، على مقترح داعم لجبهة البوليساريو، فالوقت اللي عارضو حزب “ڤوكس” فقط.

ويحيل هاد المقترح على ضرورة  “الترويج دون مزيد من التأخير للحل العادل والنهائي للنزاع في الصحراء الغربية، وهو الحل الذي ينطوي على وضع حق الشعب الصحراوي في تقرير المصير”، بالإضافة لدعوة الأمم المتحدة لتعيين مقرر لحقوق الإنسان في الصحرا.

ويشير المقترح الداعم لجبهة البوليساريو إلى أن الصحرا “ماشي ديال المغرب”، وكيطالب بالسماح بـ”تقرير المصير”، مقدما صورة سوداوية عن وضعية حقوق الإنسان فالصحرا بلا ما يطالعو عليها أصلا ولا يزوروا الأقاليم الجنوبية للمملكة.

وبالإضافة لذلك يقدم هاد المقترح اللي قدموه مجموعات برلمانية داعمة للبوليساريو بحال “يونيداس بوديموس” والحزب الشعبي الإسباني، صورة مغلوطة على واقع الثروات الطبيعية فالصحرا واللي الغرض منو هو رهن تنمية المنطقة اقتصاديا واجتماعيا بالمسار السياسي ديال النزاع وحرمان المنطقة وساكنتها منها.

وكيطالب المقترح الحكومة الإسبانية باش تزيد الدعم الإنساني الموجه لمخيمات تندوف، وكذلك تتاخذ موقف فتعاطيها مع قضية ترسيم الحدود البحرية مع المغرب ضمن نطاق سواحل الأقاليم الجنوبية للمملكة وجزر الكناري.

هاد النوع من المقترحات كيخلق فقط التشويش على العلاقات الثنائية المغربية الإسبانية، وعلى دعم مدريد لمبادرة الحكم الذاتي كأساس وحيد لتسوية ملف الصحراء، وكتعتامد فمضامينها على وجهة نظر وحيدة الشي اللي كيخليها دائما تبان ضعيفة وغير مقنعة إلا لهادوك اللي كيدعمو أطروحة الجزائر والبوليساريو.