الرئيسية > تبركيك > ڤاكسان “موديرنا” ضد “كورونا ڤيروس”. الشركة غادية تقدم طلبات الترخيص فامريكا واوربا
30/11/2020 13:00 تبركيك

ڤاكسان “موديرنا” ضد “كورونا ڤيروس”. الشركة غادية تقدم طلبات الترخيص فامريكا واوربا

ڤاكسان “موديرنا” ضد “كورونا ڤيروس”. الشركة غادية تقدم طلبات الترخيص فامريكا واوربا

كود كازا ////

صافي بعد ما علنات “فايزر” باللي غادية تقدم لقاحها ضد “كورونا فيروس” للسلطات المختصة فامريكا نهار 11 دجنبر تبعاتها “موديرنا” اليوم وقالت باللي غادية تطلب ترخيص للڤاكسان ديالها فاوربا وامريكا.

الشركة اكدات باللي اللقاح ديالها بين باللي فعال بنسبة 94.5 بالمائة.

الشركة قالت اليوم باللي غادية تقدم طلب الترخيص وما قالتش وقتاش. منصف السلاوي اللي كان عينو ترامب منسق للابحاث على فاكسان ل”كورونا” كان توقع باللي “موديرنا” اللي كيعرفها مزيان غادية تقدم الطلب ف21 دجنبر. يمكن دابا مع اعلان لقاح ثالث اللي هو ديال اوكسفورد باللي غادي يطلب الترخيص من السلطات المتخصة البريطانية نهار 7 دجنبر 2020 هو اللي خلى مودرينا حتى هي تزرب وتقدم طلب ترخيص.

موديرنا كانت دارت اختباراتها السريرية على اكثر من 30 الف شخص. عندها بحال باقي اللقاحات لحد الان جوج جرعات، الاولى وبعد 20 يوم الثانية.

موضوعات أخرى

17/01/2021 09:00

ياك نفس القضاء واش النيابة العامة كتبدل على حساب الشخص؟ فين الاجتهاد القضائي ففيديو السكيرج علاش ما طبقوهش فقضية بنت تطوان؟