الرئيسية > آش واقع > ڤاكسان كورونا. رئيس الجامعة المغربية لحماية المستهلك لـ”كود”: كنصحو المواطنين باش يديروه.. وأنا شخصيا نديرو بتغماض العينين
25/01/2021 20:30 آش واقع

ڤاكسان كورونا. رئيس الجامعة المغربية لحماية المستهلك لـ”كود”: كنصحو المواطنين باش يديروه.. وأنا شخصيا نديرو بتغماض العينين

ڤاكسان كورونا. رئيس الجامعة المغربية لحماية المستهلك لـ”كود”: كنصحو المواطنين باش يديروه.. وأنا شخصيا نديرو بتغماض العينين

كود كازا//

نصح بوعزة الخراطي، رئيس الجامعة المغربية لحماية المستهلك، المغاربة باش يديرو لقاح فيروس كورونا المستجد، سواء تعلق الأمر ب”سينوفارم” الصيني أو “أسترازينيكا” البريطاني، وأنه شخصيا غيكون من الأوائل اللي غيخضعو للتلقيح

وزاد الخراطي أن المستهلك عندو كامل الحرية فالاختيار، لكن فالمقابل خاص تمكينو من المعلومات الكافية على اللقاحات اللي كاينة باش يقدر يحكم.

وعبر رئيس جمعية حماية المستهلك، بحكم عملو كبيطري، أنه على دراية بانواع اللقاحات، وأن عندو ثقة كبيرة فاللقاحين اللي معتمد المغرب، وخصوصا “سينوفارم” الصيني اللي قال أن تركيبتو كتشمل طريقة قديمة فتصنيع اللقاحات من عهد باستور، وعندها فعالية مزيانة.

بالنسبة ل”أسترازينيكا” قال الخراطي أنه حتى هو مزيان، وانه كيعتمد تقنية جديدة كتستهدف فيروس adénovirus اللي من خلالها كيتم إضعاف فيروس كورونا.

وزاد: “انا كطبيب بيطري على علم بان اي تلقيح ماكيعطيش نتيجة بنسبة 100 فالمية، لكن التلقيح غيكون خطوة مزيانة للقضاء على كورونا، حيت إلى لقحت أنا ماغانعاديش الناس وهكذا… أنا أومن بمناعة القطيع..”

موضوعات أخرى