كود كازا ///

فضايح وكالات العلاقات العامة كثيرة ولكن عوض ما يحشمو كيزيدو يطغاو. هاد الصباح كانت ندوة على الاعلان على اول دورة ديال “جايتكس” كيهم الصحة فافريقيا. طبعا واخا دارت لفضايح وكانت خدمتها عيانة عطات الشركة الاماراتية المنظمة ل”جايتكس” مارشي العلاقات العامة ل”پي ار ميديا” لمولاتها فاطمة الزهراء اوتاغاني. 

الندوة فيها وزير الصحة ولكن هاد الشركة للي سبق للجمعية المغربية للاعلام والناشرين بيان عليها وعلى استعمالها للمؤثرين، ختارت غير اللي كيطبلو ليها. شفناها فشلات فالمعرض الدولي للفلاحة بمكناس وكيفاش عاناو المنظمين منها واحتجات الصحافة على تصرفاتها، ولكن كتصر شي شركات تخدم معاها. 

المهم ان الشركة ما تسوقاتش للوزير تهراوي ولا لناسو وعيطو على صحابهم. 

دابا كيفاش مؤسسات فالدولة كتعطي المارشيات لهادو اللي سبق للتجمع الوطني للاحرار جرا عليهم بضعفهم، وصاحبة الشركة ما تايقاش حتى فالبلاد. عائلتها راها فجنوب اسبانيا. المغرب غير للفلوس ولكن العيشة برا. 

واش ما وصلش الوقت يمنعو على اي واحد ياخد مارشي خاص او عمومي كاينة عائلتو كنهدر على ولادو، عايشين برا. 

المهم هاد الوكالة كتحكم حتى فتهراوي وناسو وفرضو اللي بغاو