الرئيسية > كود سبور > پورتري. ها شكون هو سفيان البقالي اللي ربح ميدالية ذهبية اليوم فـ أولمبياد طوكيو.. ها فين عاش وها كيفاش بدات الشهرة ديالو
02/08/2021 18:00 كود سبور

پورتري. ها شكون هو سفيان البقالي اللي ربح ميدالية ذهبية اليوم فـ أولمبياد طوكيو.. ها فين عاش وها كيفاش بدات الشهرة ديالو

پورتري. ها شكون هو سفيان البقالي اللي ربح ميدالية ذهبية اليوم فـ أولمبياد طوكيو.. ها فين عاش وها كيفاش بدات الشهرة ديالو

عمر المزين – كود – مكتب الرباط //

هضرة ونقاش كبير على شكون هو سفيان البقالي اللي جاب للمغرب أول ميدالية ذهبية فهاد الدورة ديال الألعاب الأولمبية اللي مقامة هاد ليام فـ اليابان، “طوكيو 2020”. كاين اللي كايقول أنه من منطقة الريف وكاين اللي كايقول أنه من فاس.

“كَود”سولات مزيان على هاد البطل اللي أهدى الرباح ديالو اليوم للملك محمد السادس و لكل الشعب المغربي.

البقالي حسب مصدر “كَود” هو ولد فاس وعاش فيها وبالضبط بحي السعادة وسط العاصمة العلمية.

سفيان البقالي، كممارس لرياضة ألعاب القوى، ملي كان عندو 18 عام، جا فـ المركز الرابع في بطولة العالم للناشئين لألعاب القوى 2014، بعدها و فـ نفس العام، كان بان لأول مرة فـ البطولة ديال إفريقيا لألعاب القوى واللي جا فيها فالصف 10 في سباق 3000 متر موانع.

العداء البقالي كان شارك أيضا فـ مسابقات ديال العدو الريفي، من بينها مشاركتو في بطولة العالم للعدو الريفي فعام 2015 اللي جا فيها فـ المركز 18.

و فيما يخص الدورات الأولمبية، فـ البطل سفيان البقالي مثل المغرب فــ الألعاب الأولمبية الصيفية ديال 2016 اللي تقامت فـ ريو دي جانيرو (البرازيل)، بعدما حقق أفضل نتيجة شخصية بتوقيت 8:14.41 دقيقة، فاش جا فـ المركز الرابع بملتقى “هيركوليس” بإنكَلترا.

وماشي غير هادشي، فـ أولمبياد “ريو 2016” كان حسن رقمو لـ8:14.35 دقيقة، واحتل المركز الـ4. وكايبقى من بين أحسن الإنجازات ديالو، قبل الذهبية ديال اليوم فـ طوكيو، هو حصوله على الميدالية الفضية في بطولة العالم لألعاب القوى سنة 2017، والميدالية البرونزية في بطولة العالم لألعاب القوى 2019.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم