الرئيسية > كود سبور > ٱش واقع بين عموتة والتكناوتي.. واش بصح مابغاش يگلس روبلاصو الزنيتي…لقجع منيرفي على حارس الوداد
23/09/2019 17:00 كود سبور

ٱش واقع بين عموتة والتكناوتي.. واش بصح مابغاش يگلس روبلاصو الزنيتي…لقجع منيرفي على حارس الوداد

ٱش واقع بين عموتة والتكناوتي.. واش بصح مابغاش يگلس روبلاصو الزنيتي…لقجع منيرفي على حارس الوداد

مصطفى الشاذلي – كود سبور//

ٱشنو وقع بين الحسين عموتة، مدرب المنتخب المحلي والحارس رضا التكناوتي، فالماتش ديال المنتخب الوطني أمام الجزائر نهار السبت، لي فات فملعب التشاكر بالبليدة، فذهاب التصفيات الإفريقية المؤهلة إلى نهائيات كأس إفريقيا للمحليين 2020.

عموتة طلع التكناوتي لتربين، بعدما وقع شي حاجة بيناتهم قبل الماتش.

مصادر “كود”، أكدت بلي التكناوتي مارضاش يكون روبلاصو للحارس أنس الزتيتي، لي اعتمدوا عموتة هو الأول، وهادشي ما قبلوش حارس الوداد البيضاوي، وادعى بالإصابة باش ما يگلس فالاحتياط.

هاد الحيلة ما انطواتش على طبيب المنتخب الوطني، لي أكد أن التكناوتي ما عندو والو.

المشكل كبر منين عرف فوزي لقجع، رئيس الجامعة الخبر، وعبر عن الغضب ديالو من هاد التصرف، لي كيخدش صورة المنتخب الوطني، وما شي بعيد تصدر الجامعة قرار بإبعاده عن المنتخب المحلي والأول، لي كايتعتبر فيه هو الحارس الثالث بعد ياسين بونو ومنير المحمدي.
والاكيد أن البوسني وحيد خاليلوزيتش، الناخب الوطني غادي يكون عندو رد فعل حول هاد الواقعة.

موضوعات أخرى