كود سبور//

كيواصل الدولي المغربي يونس عبد الحميد التألق مع فريق ستاد ريمس فالبطولة الفرنسية، ودار ماتش واعر تاني وهاد المرة ضد لوريان ضمن الدورة 10.

يونس عبد الحمدي ساهم فالرباح ديال ستاد ريمس على لوريان بواحد لزيرو البارح السبت، بالمستوى اللي قدم فدفاع الفريق، وهذا الصباح نشرت رابطة الدوري الفرنسي إحصائيات المدافع المغربي وكانت الأرقام ديالو طالعة.

يونس عبد الحميد كابيتان ريمس، ربح كاع الصراعات الهوائية اللي جاتو ضد لوريان واللي كانت 3/3، وقطع الكورة فجوج مناسبات على الخصم، واعترض 2 تسديدات، ووصلت دقة التمرير ديالو إلى 92% بعدما عطى 67 باس ناجح من 73.