كود سبور//

أكد الدولي المغربي يونس عبد الحميد أنه هو وصحابو فالمنتخب الوطني المغربي، خدامين كيوجدو لمواجهة ليبيريا وبوركينافاسو، باش ليكيب ناسيونال تبقى غاديا فنيفو مزيان.

وتحدث يونس عبد الحميد فتصريح لموقع الجامعة الملكية المغربية لكرة القدم، وقال: “بدينا كنوجدو ليماتش بجوج، وخاصنا نكونو معقولين باش نربحوهم بجوج، حيث ضروري المنتخب يبقى غادي فنيفو مزيان”.

وكمل مدافع المنتخب المغربي، وقال: “حنا اللاعبين واجدين فيزيكمون، وأغلبنا كيلعب رسمي مع الفريق ديالو مع بدية هذا الموسم، والمهم عندنا أن المنتخب يكمل فالنيفو ديالو، ونبادو الموسم مزيان معه، أما الأجواء راه زوينة فالكروب”.