كود باريس ///

يوم كحل للكابرانات اللي حاكمين الجزائر. تكبيرة هي دارتها فرانسا للمغرب اليوم السبت 22 فبراير 2025 ف”بورت ڤرساي”.

اليوم كان فافتتاح المعرض الدولي للفلاحة. حدث كبير بزاف عندهم. شكون اللي شد مقص وقطع الشريط ديال الافتتاح مع رئيس الجمهورية إيمانويل ماكرون؟ هو رئيس الحكومة ديالنا عزيز اخنوش.

بعدها غادي يجي اخنوش مع وزير خارجية فرانسا بارو باش يفتاتحو الرواق المغربي اللي دار على 400 متر مربع.

الاحتفال كان كبير بالفلاحة التضامنية وكلشي هاد الشي دار قدام رواق الجينرالات. الفقصة كانت مضاعفة عندهم. باينة بعد ضربة زيارة رشيدة داتي للعيون غادية تفگرع ليهم المرارة..

اليوم كمل بلقاء اخنوش بالوزير الاول ديالهم فرانسوا بايرو فماتينيون.

التقارب المغربي الفرنسي كبير. باريس غادية تكون ضيف دورة مكناس فمعرض الفلاحة عندنا.