وكالات//

مدينة ريو دي جانيرو فـالبرازيل شهدات واحد من أعنف العمليات الأمنية فـتاريخها، بحيث أعلنت السلطات الأمنية على مقتل 64 شخص، منهم 4 ديال البوليس، فـحملة كبيرة ضد شبكات تجار المخدرات اللي كيتحكمو فـالأحياء الفقيرة ديال المدينة، حسب ما قالت وكالة فرانس برس.

السلطات وضحات باللي هاد العملية شاركو فيها أكثر من 2500 عنصر أمني من وحدات مختلفة، والهدف منها هو تفكيك العصابات المسلحة اللي مسيطرة على بعض المناطق من سنين.

فالأول كانت الحصيلة كتشير لمقتل 18 مشتبه فيه ومعاهم شي رجال أمن، ولكن من بعد وزارة الأمن البرازيلية حدّثات الأرقام وكشفت الحجم الحقيقي ديال الخسائر.

وبهاد الشكل، ولات هاد العملية الأكثر دموية فـتاريخ ولاية ريو دي جانيرو اللي كاينة فـ الجنوب الشرقي ديال البلاد.