گود سبور//

حاطين يوفنتوس الطالياني الدولي المغربي سفيان أمرابط لاعب مانشستر يونايتد النگليزي فبالهم، ويقدرو يسنيو معه فالصيف الجاي، ولكن بشرط يمشي الفرنسي أدريان رابيو بحالو.

وحسب جريدة “لاگازيتا ديلا سبورت”، فالدولي المغربي سفيان أمرابط اللي كيلعب اعارة مع مانشستر يونايتد النگليزي هذا الموسم من يوفنتوس الطالياني، هو من الخيارات اللي دايرين يوفنتوس لتعويض رحيل الفرنسي أدريان رابيو، حيث الأخير مازال ما باغي يجدد العقد ديالو وما باغيش يفتح المفاوضات مع ادارة اليوفي بحجة حتى يفوت كاس أوروبا اللي غيلعب مع فرنسا، ولكن عندو عروض من بايرن ميونخ وأتليتيكو مدريد،

ووضح نفس المصدر، أنه بالنسبة لليوفي فسفيان أمرابط اللي عندو عقد مع فيورنتينا حتى 2025، هو خيار مزيان لتعويض رحيل أدريان رابيو إذا مشى بحالو.