گود سبور//

كشف موقع SABIR GAZETESI التركي، ان الدولي المغربي يوسف النصيري نوضها مع صاحبو بفريق فنربخشة التركي، البرازيلي فريد.

وحسب نفس الموقع، فالمشكل وقع فالماتش الودي بين فنربخشة ولاتسيو الطالياني الاربعاء الماضي، وتناگر يوسف النصيري مع فريد فالتيران، وبداو كايتسابو قبل ما يتدخل المغربي الاخر سفيان أمرابط ولاعبين اخرين معهم فالفريق وفكوهم، مع العلم أن الثنائي المغربي النصيري وأمرابط ما دخلو يلعبو حتى الشوط الثاني.

نفس المصدر. وضح أن الطاقم التقني ديال فنربخشة بقيادة المدرب البرتغالي جوزي مورينيو تدخل فهاد المشكل بين يوسف النصيري وفريد، وقرر يتبع ويراقب تصرفات اللاعبين خلال التداريب.