كود سبور//

كيواصل الدولي المغربي يوسف النصيري التألق مع إشبلية الإسباني، وساهم فالرباح اللي حقق الفريق اليوم الاثنين على مايوركا ضمن الدورة 32 من بطولة الصبليون.

وسالا الماتش بين إشبيلية ومايوركا اللي تلعب فتيران رامون سانشيز، بنتيجة 2 لواحد لمصلحة الفريق الأندلسي، وساهم يوسف النصيري فالبيوتا بجوج ديال الرباح، بعدما ماركا الهدف الأول فالدقيقة 61، وعطى أسيست ديال الهدف الثاني اللي ماركاه صاحبو روميرو بيرنال فالدقيقة 75، ومايوركا ماركاو الهدف ديالهم فالدقيقة 90 عن طريق أبدون براتس.

وبهذا الهدف اللي ماركا يوسف النصيري لإشبيلية على مايوركا، ووصل المهاجم المغربي للهدف رقم 12 هذا الموسم فبطولة الصبليون.