كود سبور//

من المنتظر يكون مصير محاولات ويستهام الننكليزي باش يسني مع الدولي المغربي يوسف النصيري نجم إشبيلية  الإسباني هو الفشل، حيث اللاعب باغي يبقى فإسبانيا.

وكشفت جريدة “ماركا” الإسبانية أن ويستهام تقدم بعرض من أجل الحصول على خدمات يوسف النصيري من إشبيلية، ولكن صعيب يوقع هادشي، حيث أصلا اللاعب ما باغيش يمشي للننكليز.

وحسب نفس المصدر فويستهام سبق وعرض على إشبيلية مبلغ 30 مليون يورو وبركو باش يتفاوضو ولكن صدمهم يوسف النصيري اللي رفض، حيث ما باغيش يعيش فعاصمة الننكليز لندن.

وقالت الجريدة أن تجربة سابقة ليوسف النصيري هي اللي كرهتو فلندن وأسلوب الحياة فيها، حيث ملي كان مراهق مشى لتشيلسي باش يلعب معهم ولكن ما توفقش ومن بعدها توجه إلى ملقا وهو دابا كيحس براسو فحال فدارهم فمدينة إشبيلية جنوب إسبانيا وعاجباه الحياة فيها.