كود سبور//

واصل الدولي المغربي يوسف النصيري التألق مع فنربخشة التركي، وقاد الفريق لتحقيق رباح جديد فالبطولة التركية، اليوم الاحد على قاسم باشا ضمن الجولة 24.

وسالا الماتش بين فنربخشة وقاسم باشا بنتيجة 3 لواحد، لمصلحة يوسف النصيري وصحابو، وماركا منها النجم المغربي الهدف الأول فالدقيقة 21، والهدف الثالث فالدقيقة 71.

ورفع يوسف النصيري الرصيد ديالو من الأهداف فالبطولة التركية هاذ الموسم وهو الأول له تما، إلى 15 هدف على بعد 3 أهداف من المتصدر للهدافين اللي عندو 18 هدف.