كود سبور//

سالا الماتش بين المنتخبين الهولندي والفرنسي بالتعادل، اليوم الجمعة برسم الجولة الثانية من كاس أوروبا “ألمانيا2024”.

القمة بين هولندا وفرنسا سالات بنتيجة التعادل السلبي زيرو لزيرو بين المنتخبين، واخا الماتش كانت فيه فرص التسجيل والريتم طالع والتشويق، ولكن اللاعبين ديال الطرفين ما قدروش يماركيو واخا هولندا ماركاو هدف وحيدو الحكم بداعي التسلل، مع العلم ان المواجهة غاب عليها النجم الفرنسي كيليان مبابي بسبب الاصابة اللي عندو فالنيف، وبقى غير فالاحتياط.

وبهذا التعادل خدات هولندا وفرنسا نقطة واحدة لكل منتخب وتأجل التأهل ديالهم لثمن النهائي إلى الجولة الثالثة والأخيرة، ورفعو رصيدهم بجوج الى 4 نقاط وبجوج كايتصدو الگروب 4، ووراهم النمسا برصيد 3 نقاط، ثم بولندا برصيد 0 نقطة.