كود سبور//

قلب منتخب النگليز الخسارة إلى رباح على منتخب سلوفاكيا اليوم الاحد، بعدما كان قريب من توديع كأس أوروبا “ألمانيا2024” من ثمن النهائي.

وسالا الماتش بين النگليز وسلوفاكيا بنتيجة 2 لواحد لمصلحة النگالزا، وكانت سلوفاكيا رابحة بهدف واحد لزيرو اللي ماركاه إيفان سكرانز فالدقيقة 25، وقدر هو وصحابو يحافظو عليه حتى للدقيقة الأخيرة من الوقت الأصلي ديال الماشي فين نجح جود بلينگهام فخطف التعادل للنگليز بهدف واعر، ومن وراها مشاو المنتخبين لعبو الأشواط الإضافية، وفيها خطف منتخب النگليز الرباح بهدف ثاني ماركاه هاري كين.

وبهذه النتيجة تأهل منتخب النگليز إلى ربع نهائي كاس أوروبا، ومنتخب سلوفاكيا اللي كان قريب يخلق مفاجأة جديدة فالمسابقة ودع البطولة من ثمن النهائي.