كود سبور//

تأهل الطاليان إلى ثمن نهائي كاس أوروبا “ألمانيا2024” بعد ماتش واعر ومشوق مع كرواتيا اليوم الاثنين، برسم الجولة الثالثة من دور المجموعات.

وسالا الماتش بين الطاليان وكرواتيا بنتيجة التعادل الايجابي واحد لواحد، وبعدما سالا الشوط الاول بين المنتخبين بالتعادل السلبي زيرو لزيرو، قدرو كرواتيا يجيبو بينالتي فالشوط الثاني ولكن الكابيتان ديالهم لوكا مودريتش زگل الكورة اللي حبسها الگول الطالياني دوناروما، ومن وراها مباشرة قدر مودريتش يخطف دوزيام بال قدام الشبكة ديال الطاليان وماركا عليهم الهدف فالدقيقة 55، وفالوقت اللي كل شي كان كايتسنا الحكم يصفر نهاية الماتش برباح كرواتيا قدر ماتيا زاگايني يخطف هدف التعادل والرباح للطاليان فاللحظات الأخيرة، وسالا الماتش تعادل بين المنتخبين.

وبهذه النتيجة تأهلو الطاليان لثمن نهائي كاس أوروبا كثاني المجموعة 2 برصيد 4 النقاط، ورا إسبانيا المتصدرة برصيد 9 النقاط، أما كرواتيا ودعت البطولة بجوج نقاط، ووراها ألبانيا بنقطة واحدة.