كود سبور//

تأهل منتخب إسبانيا إلى ربع نهائي كأس ’’أوروبا2024‘‘، بعدما اكتسح منتخب جورجيا اليوم الاحد فثمن نهائي البطولة.

ماتش إسبانيا وجورجيا سالا بنتيجة 4 لواحد لمصلحة لامين يامال وصحابو، واخا الجورجين هما اللي سبقو الهدف فالدقيقة 18، وماركا الصبليوني روبين لو نورماند على راسو.

ومن بعدها تحرك هجوم الصبليون وضغطو وقدرو يماركيو التعادل فالدقيقة 39، بواسطة دييگو هيرنانديز، وزادو الهدف الثاني عن طريق فابيان رويز فالدقيقة 51، والهدف الثالث ماركاه نيكو ويليامز فالدقيقة 75، وزاد عزز النتيجة داني أولمو فالدقيقة 83.

وبهذه النتيجة تأهل منتخب إسبانيا إلى ربع نهائي كاس أوروبا وغايلعبو مع منتخب ألمانيا محتضنة البطولة، أما منتخب جورجيا ومن بعد هذا الخسران ودع المسابقة من ثمن النهائي، مع العلم أنه أول مرة يوصل إلى هذه المرحلة فالبطولة.

وللإشارة فنجم منتخب إسبانيا لامين يامال مول 16 عام، بقى لاعب حتى سالا الماتش، وهذا الشي أكد أن الاتحاد الإسباني ما خايفش من عقوبات القانون الألماني اللي كايمنع عمل الأطفال ورا 11 ديال الليل، وأن الصبليون وحسب الإعلام ديالهم خداو موافقة من عند الاتحاد الأوروبي باش لامين يامال يلعب الوقت ديال الماتشات كاملين فكاس أوروبا.