كود سبور//

ربح المنتخب البرتغالي الأسطورة ديالو كريستيانو رونالدو، منتخب التشيك اليوم الثلاثاء، برسم الجولة الأولى من دور مجموعات كأس أوروبا، مع العلم أن كريستيانو رونالدو بالماتش اللي لعب اليوم حقق رقم تاريخي غير مسبوق وصبح أول لاعب كيشارك فكأس أوروبا 6 المرات.

وسالا الماتش بين منتخب البرتغال والتشيك بنتيجة 2 لواحد لمصلحة كريستيانو رونالدو وصحابو، وماركاو التشيك هما الاولين فالدقيقة 62 لوكاس بروفود، والبرتغال ماركاو هدف التعادل فالدقيقة 69، وهو هدف ماركاه التشيكي روبن هرناك على راسو، والهدف الثاني ديال البرتغال ماركاه لهم فرانشيسكو كونسيساو فاللحظات الاخيرة من الماتش.

وبهذا الرباح خداو البرتغال 3 نقاط مهمة بداو بها البطولة مزيان، التشيك عندهم صفر نقطة بحالهم بحال منتخب جورجيا اللي خسرو مع تركيا.