وكالات //

قالت إدارة موقع “يوتيوب” بللي غادي يمسحو أي فيديو كيروج لمعطيات ومعلومات غالطة وفايك على الإجهاض أو كيهضر على طرق الإجهاض اللي فيها خطر على العيالات بحال اللي كتدار فالديور.

“يوتيوب” نشر تغريدة ف”تويتر” وقال بللي ابتداء من نهار الخميس (21 يوليوز)، غادي يمسح فيديوهات الإجهاض غير الآمن أو فيديوهات اللي كتروج الكذوب على الإجهاض.

1/ Starting today and ramping up over the next few weeks, we will remove content that provides instructions for unsafe abortion methods or promotes false claims about abortion safety under our medical misinformation policies. https://t.co/P7A27WPYuD

— YouTubeInsider (@YouTubeInsider) July 21, 2022

وقالت شركة “يوتوب” بللي هاد القرار ما هو إلا كمالة لسياساتها اللي كتحارب المعلومات الطبية الغالطة واللي هدفها تضليل الناس.

وزاد كتبات فالجزء الثاني من التغريدة: “فحال كل سياساتنا اللي عندها علاقة بالمجالات الصحية أو الطبية، غادي نعتامدو على الإرشادات ديال السلطات الصحية”.

وجا قرار “يوتوب”، بعد إلغاء حق الإجهاض فميريكان، واللي خلق جدل واحتجاجات كبيرة.