وكالات//

بداو بزاف ديال الناس كيشكو فواحد اليوتوبر كوري جنوبي مسلم معروف دار واحد الحملة كيقول فيها أنه كيجمع الفلوس باش يبني جامع في كوريا الجنوبية.

على حساب ماقالت قناة العربية فهاد اليوتوبر لي سميتو داوود كيم ومشهور في يوتوب وإنستغرام داير واحد الحملة كبيرة، وخاصة في دول الخليج باش يجمع التبرعات والفلوس.

المشكل، على حساب ماقالت القناة السعودية، هو أن هاد كيم قاليهم أنه جمع 50 ألف دولار ديال التبرعات باش يبني هاد الجامع في مدينة دايغو الكورية الجنوبية.

غير هو المشكل أن منظمة الطلاب المسلمين في دايغو”KNU”، وهي الجهة المسؤولة على البني دمسجد دايغو، كتقول أنها ماوصلها والو، وهاد السيد سيفط ليها غير فيرمون واحد من هادي عامين ومكيفوتش 2000 دولار.

دابا كاينا شي هضرة على أن السلطة ديال كوريا الجنوبية حلات أونكيط وغادي تحقق مع اليوتوبر.