كود -وكالات//

من بعد كونجي طويل خرجات النجمة العالمية سيلين ديون بأغنية جديدة ،  “Dansons”، اللي كتبها الماسقي الفرنسي جان جاك غولدمان، فواحد التعاون اللي رجّع الحنين لأيام الزمن الجميل.

هاد العمل الجديد جا من بعد 10 سنين على آخر تعاون بيناتهم فـ “Encore un soir”، وكيبان أنه غادي يعاود يرجع نفس المجاح ديال الألبوم الأسطوري D’eux اللي تحطمات به الأرقام القياسية فالمبيعات ،الأغنية الحديدية كتجي بطابع عاطفي ورسالة عميقة، حيث كتبها غولدمان ففترة الحجر الصحي عام 2020، وكيهضر فيها على عالم تبدل ولكن ما تحسنش، وباقي الناس كيشطحو “جنب الحافة”.

اختيار عنوان “Dansons” كيعكس فكرة الهروب من الواقع بالموسيقى حتى فوسط الأزمات، ومن المنتظر يخرج فيديو كليب ديال الأغنية، اللي تصورات فشوارع باريس، باش يزيد يعطيها واحد الطابع الفني والواقعي.

فهاد التوقيت، سيلين ديون كتوجد ترجع بقوة للمسرح، بسلسلة حفلات غادي تديرها فباريس فشتنبر وأكتوبر الجايين، مورا غياب دام سنوات، الجمهور ديالها خاصة عشاق الأغنية الفرنسية، متحمسين بزاف لهاد الرجوع اللي واعدات به سيلين انه تكون قوي.