الرئيسية > آش واقع > سميتو “مو” ويقدر يكون مقاوم للڤاكسان.. منظمة الصحة العالمية: كنراقبو متحور جديد بان فكولومبيا
01/09/2021 23:00 آش واقع

سميتو “مو” ويقدر يكون مقاوم للڤاكسان.. منظمة الصحة العالمية: كنراقبو متحور جديد بان فكولومبيا

سميتو “مو” ويقدر يكون مقاوم للڤاكسان.. منظمة الصحة العالمية: كنراقبو متحور جديد بان فكولومبيا

كود كازا//

أعلنات منظمة الصحة العالمية، ليلة الثلاثاء الأربعاء، أنها كتراقب نسخة متحورة جديدة من فيروس كورونا اسمها “مو”، ترصدات اول مرة، فكولومبيا، فشهر يناير الماضي.

وقالت المنظمة، فنشرتها الوبائية الأسبوعية حول تطور كوفيد-19، أن النسخة المتحورة “بي.1.621” بحسب تسميتها العلمية، تصنفات فالوقت الراهن “متحورة يجب مراقبتها”.

وزادت أنه عند هذ المتحورة طفرات تقدر تتسبب فخطر “هروب مناعي”، أي أنها مقاومة للقاحات، الشي اللي كيخلي من الضروري إجراء مزيد من الدراسات عليها لفهم خصائصها بشكل أفضل.

وجميع الفيروسات، ومنها سارس-كوف-2 المسبب لمرض كوفيد-19، كتحور مع مرور الوقت.

وبسبب ظهور متحورات فنهاية عام 2020، شكلات هذ المتحورات خطر متزايد على الصحة العامة، ودارت منظمة الصحة العالمية نتيجة هذشي ليست بأسماء المتحورات اللي خاص تتراقب، والمثيرة للقلق، وهذشس بهدف إعطاء الأولوية لأنشطة المراقبة والبحث على المستوى العالمي.

وقررات منظمة الصحة العالمية تطلق على المتحورات اللي خاص تتراقب وكتثير القلق أسماء بالأحرف اليونانية عوض اسم البلد اللي ترصدات فيه للمرة الأولى، باش ممايكونش وصمة لهذا البلد، ولتسهيل نطق الأسماء على عامة الناس.

وحسب منظمة الصحة العالمية، كاينة ربعة ديال النسخ المتحورة المثيرة للقلق، بينها المتحورة ألفا اللي انتشرت ف193 دولة، والمتحورة دلتا اللي انتشرت ف170 دولة، وكاين خمس متحورات خرى خاص تتراقب منها “مو”.

وترصدات المتحورة “مو” أول مرة فكولومبيا شهر يناير اللي فات. وتقاسو بيها ناس فدول أمريكا اللاتينية وأوروبا.

موضوعات أخرى

16/09/2021 22:00

الحركة الجوية بعد انطلاق “عملية مرحبا”.. المطارات ديالنا استقبلات أكثر من 3 مليون مسافر عبر أكثر من 31 ألف رحلة – أرقام

16/09/2021 20:20

حملة كبيرة على المجرمين المتورطين فـ لكَريساج والابتزاز بفاس.. آخرهم “ولد الكرداسية” و”الزيزون” و”الهيلوص” و”لزعر”

16/09/2021 20:00

الجنس مقابل النقط.. الفرقة الوطنية جات ليوم لكلية سطات للتحقيق ف ملف الاستاذ ورئيس شعبة القانون العام اللي حصل كينعس مع الطالبات مقابل ينجحهم