كود سبور//

وصلت طلبات الانخراط اللي توصلت بها إدارة الوداد الرياضي حتى للبارح الثلاثاء 30 أبريل، الموعد اللي تسد فيه باب الانخراط فالنادي، (وصلت) لـ472 طلب انخراط وتجديد الانخراط.

وحسب هيئة منخرطين الوداد الرياضي، فإدارة الواك توصلت بـ269 طلب جديد للانخراط، و115 طلب ديال وداديين فايت لهم انخارطو فالنادي.

وأكد نفس المصدر، أن 88 من المنخرطين الحاليين فالوداد جددو الانخراط ديالهم فالنادي، مع العلم أنه من المنتظر يكون الوداد هو أكبر نادي فالمغرب فعدد المنخرطين إذا تفاليدا هاد العدد من طلبات الانخراط ويفوتو الرجاء الرياضي.