كود سبور//
طلع اتحاد يعقوب المنصور فريق الوزير مهدي بنسعيد إلى القسم الوطني الأول من البطولة الاحترافية.
ونجح فريق يعقوب المنصور وضمن الطلوع القسم الأول مع الكوكب المراكشي اللي ديجا طلع الدورة اللي فاتت من القسم الثاني، وتعادلو الفريقين اليوم الاحد برسم الدورة 30 والأخيرة بنتيجة التعادل السلبي زيرو لزيرو.
ورفع الكوكب المراكشي الرصيد ديالو بهذه النتيجة إلى 53 نقطة، وطلع القسم الأول متصدر القسم الثاني، أما يعقوب المنصور طلعو بعدما احتلو المركز الثاني برصيد 51 نقطة، وغايكون 4 ممثل للعاصمة الرباط فالقسم الأول العام الجاي، بعد الجيش الملكي والفتح الرياضي واتحاد التواركة.
وبخصوص كل من أولمبيك الدشيرة ورجاء بني ملال، راه غايلعب باراج الطلوع للقسم الأول مع نهاية الشهر.