وكالات//

الممثل الميريكاني دينزل واشنطن خدا جائزة “السعفة الذهبية الفخرية” من مهرجان كان السينمائي، وهي جائزة كبيرة كتعطى تقديراً للمسيرة الفنية ديال الفنان، وهاد الجائزة تعطات غير 21 مرة فـ تاريخ المهرجان كامل.

مدير المهرجان، تييري فريموا، هو اللي علن على منح الجائزة لواشنطن على الفيلم الجديد ديالو Highest 2 Lowest، اللي مخرجو سبايك لي.

اللي قدم الجائزة لواشنطن هو سبايك لي بنفسو، حيث هو من أعز صحابو، واستقبلو الحضور بالتصفيق الحار والفرحة.

واشنطن قال فالكلمة ديالو: “ما كنتش متوقع هادشي، بصراحة تفاجأت، وهادشي خلاني نحس بالعاطفة بزاف”. وزاد قال أنه كيحس براسو محظوظ يخدم فمجال السينما، واعتبر راسو محظوظ بزاف حيث كاين فمجموعة من الناس اللي كيديرو أفلام، كيلبسو مزيان، وكياخدو الفلوس على هادشي!

أول مرة تعطات فيها هاد الجائزة كانت فـ 2002، وفعام 2023 خذاها استوديو “جيبلي”، وهادشي خلاه يكون أول مؤسسة (ماشي شخص) كتربح هاد الجائزة.