كود سبور//

غبر الدولي المغربي يحيى عطية الله على فريق سوتشي الروسي، وما عارفينوش فين كاين وكايقلبو عليه.

وكشف أندري أورلوف، المدير الرياضي لنادي لسوتشي الروسي، فحوار مع قناة MBC MASr  وقال: “يحيى عطية الله ما كاينش فسوتشي من الاحد اللي فات، كانت مراسلات بين الفريق واللاعب، وكنت بغيت نقول له أنه دار مستوى مزيان فالموسم الماضي، ولكن يمكن الناس اللي دايرين به تسببو له فالفشل وخلاوه ما يتواصلش معنا”.

وكمل المسؤول فسوتشي وقال على عطية الله: “راسلنا الاتحاد الدولي بهاد الخصوص، وحنا ما عرفناش شنو المشكل ديالو معنا ولكن غاندافعو على الحقوق ديالنا، دابا الفريق غايمشي لإسطنبول وما عارفينش واش اللاعب غايكون مع اللاعبين أو لا”.

وأكد أندري أورلوف المدير الرياضي لسوتشي بخصوص وضع يحيى عطية الله، وشنو ممكن يديرو معه وقال: “حنا غاندرسو هذا الشي مع اللاعب كانتسناو الرد ديالو، وكانظن أنه فهاد الايام غايتحل المشكل، ولكن إذا بقات الأمور كما هي عليه دابا غايكون تصعيد من جانبنا”.