كود هناء ابو علي ///

اليوم رفضات هيئة الحكم بمحكمة الاستئناف فكازا، ملتمس دفاع اولاد لملايرية باش يتابعو فحالة سراح، وقررات تأجيل الملف حتى لـ13 مارس، باش يوجدو المحامين دفوعاتهم وتكمل مناقشة القضية.

هاد الرفض جا باش يأكد على قضية مهمة وهي ان القضاء هنا نزيه ودار خدمتو. لفضيحة ان لملايري الجامعي ما خلى حتى حاجة باش يخرج ولدهم واللي معاهم. اتصلو بالوكلاء العامين بالقضاة. بحتى بشخصيات كبيرة فالقضاء ومؤسسات اخرى.. حسب مصادر “كود” الرد كان ديما “كاين غير تطبيق القانون. يطبق القانون ولا شيء غير القانون.

واش هاد الجوامعة تصطاو ولا لفلوس خلاتهم ينساو ريوسهم. خرجو يدافعو على ولدهم حمزة اللي ماشي قاصر. كيفاش هاد الحقارة وصلات بهاد لملايرية يطلقو ولادهم بكاطكاطات بلا بيرمي ويمشيو يشفرو راجل مسكين كيترزق ببيع البيض ويمشيو للوطوروت ويبداو يلوحو البيض على مستعمليها. كانو 7 منهم 4 بالغين =18 سنة= و3 قاصرين . كلهم كيقراو فالمدرسة الامريكية

هادو راه خاصهم هما يجيبو ولادهم مكتفين للبوليس ويطلبو يقدموهم للمحاكمة ماشي يطلبو عليهم.

بلادنا بيخير باش كتشوف كيفاش القضاء كيخدم بنزاهة رغم كل التدخلات