كود الرباط//

بنت الباشا دايرا حالة فالبرلمان، فجلسة الأسئلة الشفوية يوم الاثنين 6 ينايري الجاري، كولشي تابعها من برلمانيين وجيش من الأنصار والأتباع وأعضاء الديوان، لدرجة أنها دايرا واحد “الهالة” لراسها كتخلي عدد من موظفي البام فالبرلمان يخافو منها ويلحسو ليها الكابة.
الخوف من بنت الباشا خلات أنصارها يحتقرو الصحافة ويخرقو النظام الداخلي لمجلس النواب، بحيث فاش “كود” سولت بنت الباشا على العراقيل ديال تنزيل الدعم المباشر للسكن كيف أمر سيدنا، ناض شي حد ولا شي وحدة فالبام كيصورو الصحفي والمنصوري فاش كيهضرو في ضرب لأخلاقيات وقوانين مهنة الصحافة والنظام الداخلي لمجلس النواب.
أولا لي كيصور فيديو ماشي من حقو قانونيا، وتصور بلا اذن الصحفي وبلا خبارو، حتى لقاه منشور فالسوشل ميديا وف صفحات كثيرة تابعة للبام.
إهانة اللي دارو أنصار البام للصحافة عبر بث فيديو لتصريح حصري خاص بجريدة “كود” بدون علم الجريدة، خاص إدارة مجلس النواب توقف عليه وتطبق القانون.