كود – وكالات //

كيعاود واحد السيد من نيويورك والتقليد عليه أنه عاش آلام كبيرة بعد ما فشلات ليه عملية تكبير القضيب فواحد العيادة المتخصصة فصحة الرجال بمدينة نيويورك.

الراجل كيتهم  عيادة Best Man Manhattan والطبيب Amanuel Samad Himmed بأنهم تسببوا ليه فمضاعفات خطيرة مني كان باغي يكبر القضيب، الشي لي خلاه يرفع دعوى قضائية  نهار 17 شتنبر الجاري قدام المحكمة العليا فمانهاتن.

العيادة، اللي كتقدم راسها على أنها كتضم «اكبر المتخصصين فتكبير القضيب بنيويورك»، كتعتمد على حقن مواد  دقيقة فالأعضاء التناسلية، وكتقول فالموقع الإلكتروني ديالها إن هاد الحقن كتحفز إنتاج الكولاجين بهدف تحقيق تكبير «دائم ولمدى الحياة».

وحسب الدعوى، هاد الإجراء، اللي ممكن يوصل ثمنو حتى لـ14 ألف و950 دولار، وكيتقدم للرجال على أساس أنه وسيلة لرفع الثقة بالنفس وتحسين الحياة الجنسية.

لكن الراجل، اللي عندو 31 عام واللي ما بينش على سميتو حفاظا على الخصوصية، كيدعي أن النتيجة كانت عكسية تماما، وأن العلاج خلا العضو ديالو  مشوه، وما بقاش كيخدم بشكل طبيعي.

وحسب الوثائق القضائية، دار أول عملية بالحقن فـماي 2024، قبل ما يرجع للعيادة الموجودة فـمنطقة فيدي فـنيويورك، باش يدير جلسة ثانية فـأكتوبر  من نفس العام.

الجوج ديال العلاجات، حسب الدعوى، كانو كيتضمنو حقن 85 ميليغرام من مادة Dimethicone Oil، وهي مادة بوليميرية شفافة وعديمة الرائحة، كتستعمل فبعض الإجراءات التجميلية.

لكن من بعد العلاج الثاني، كيقول الراجل إنه بدا كيعاني بشكل تدريجي من مجموعة ديال المضاعفات والاختلالات، من بينها الألم، والتشوه، وتغييرات فالجلد، إضافة إلى مشاكل أثرت على الوظيفة الجنسية ووظيفة القضيب.

وبناء على هاد المعطيات، رفع دعوى قضائية كيطلب فيها تعويضات، لكن القيمة ديال التعويضات ما تحدداتش فالدعوى.