گود سبور//

طار الحسين عموتة مدرب الأهلي المصري بالمهاجم ديال المغرب الفاسي سفيان بنجديدة.

وسناو الأهلي المصري مع سفيان بنجديدة عقد المدة ديالو ثلاث سنوات، باش يلعب معهم ابتداء من الموسم الجاي. بعدما تألق الموسم مع المغرب الفاسي وساهم فتتويج الفريق بلقب البطولة الاحترافية.

الأهلي المصري سناو مع سفيان بنجديدة برغبة من الحسين عموتة، وصيفطو المسؤول على التعاقدات بالنادي للمغرب والصفقة وقعوها البارح السبت مع اللاعب بحضور الوكيل ديالو فواحد لوطيل فكاز.

وبهذه الصفقة يتواصل مسلسل استحواذ الاهلي المصري والأندية المصرية على اللاعبين المغاربة المتألقين فالبطولة، وفينما كايبان شي لعاب فيه الضو ففرقة مغربية كايطيروه لها، وهي ما قادراش تقاوم الإغراءات المالية، ودابا المغرب الفاسي برئاسة محمد بوزوبع، اللي لاعبين دوري ابطال افريقيا الموسم الجاي، ما قدرو يحافظو حتى على الركائز د الفريق، وعاطينها للشعارات وانهم عندهم مشروع رياضي، والأهلي اللي لاعبين غير كاس الكونفيدرالية الإفريقية حتى لدابا، قدرو يديو لهم احسن مهاجم فالبطولة الاحترافية.