الرئيسية > آراء > ياه على زمان. وصافي نغسلو يدينا على القيم ايلى كان المنظم ديال ندوة على “مستقبل القيم والأخلاقيات” بنكة والمشارك فيها هادا
17/05/2019 14:01 آراء

ياه على زمان. وصافي نغسلو يدينا على القيم ايلى كان المنظم ديال ندوة على “مستقبل القيم والأخلاقيات” بنكة والمشارك فيها هادا

ياه على زمان. وصافي نغسلو يدينا على القيم ايلى كان المنظم ديال ندوة على “مستقبل القيم والأخلاقيات” بنكة والمشارك فيها هادا

و م ع ///

وزمان هادا عايشين فيه. اللي كيهدر على القيم بنكة والمشارك اسمو نجيب عبد الحق داز على صحف ومجلات قبل ما يحتاضنو فيصل لعرايشي فقناة “الاولى”. سمعتو وصورتو معروفين عند التشكيليين والصحافيين.

مناسبة لكلام البارح كانت ندوة فكازا على مستقبل القيم والأخلاقيات داخل المجتمع المغربي عنوانها “أية قيم أخلاقية ومعنوية في مغرب متحول؟”.

نجيب عبد الحق كان منسقها والمنظم مؤسسة التجاري وفا بنك اي هاد البنكة للي مخلصة. قدموه ككاتب وصحافي ودوزات لاماب كلامو. اييه قال باللي “مجموع هذه القيم، سواء أكانت ذات مرجعية دينية أو إنسانية، ترسخت في النسيج الاجتماعي المغربي”، مشيرا في الوقت نفسه إلى أنه “مع توالي الأجيال، وصلنا اليوم إلى ملتقى مجتمعي أصبحت فيه القيم، بطابعها المركب، بحاجة إلى التحليل والتقييم”.

وأضاف “أننا نعيش في بلد يشهد تحولات عميقة، وهناك تغيرات على كل المستويات، إلى حد صرنا نتساءل فيه عن العيش المشترك والقيم المعنوية والاخلاقية الأساسية، كالإنسانية والتسامح والمسؤولية المدنية”.

وشفتو كينظر فالقيم واحد حول ندوات صحافية لحوارات خاصة بيه. دارها فمهرجان مراكش مع فرانسيس كوبولا باش دار ندوة فاول مهرجان للفيلم بمراكش ومن بعد خرجها صاحبنا اللي كيهدر على القيم على اساس حوار حصري.

هاد الشي راه قليل. سولو الصحافيين والفنانين التشكيليين والسينمائيين راه عندهم ما يكولو وبزاف

موضوعات أخرى