الرئيسية > آراء > ياك نفس القضاء واش النيابة العامة كتبدل على حساب الشخص؟ فين الاجتهاد القضائي ففيديو السكيرج علاش ما طبقوهش فقضية بنت تطوان؟
17/01/2021 10:00 آراء

ياك نفس القضاء واش النيابة العامة كتبدل على حساب الشخص؟ فين الاجتهاد القضائي ففيديو السكيرج علاش ما طبقوهش فقضية بنت تطوان؟

ياك نفس القضاء واش النيابة العامة كتبدل على حساب الشخص؟ فين الاجتهاد القضائي ففيديو السكيرج علاش ما طبقوهش فقضية بنت تطوان؟

كود هناء ابو علي ///

القضاء ضرب مرا على فيديو حميمي دار هادي مدة٬ بشهر حبس نافذ مع الغرامة. حبس ما مفهومش. ماشي حقاش دارت حياتها من بعد ووو. اللا حقاش هاداك فيلم حميمي اللي كان خاصو يتعاقب هو ناشره. اييه من حق اي مواطن يصور فيديو كيهم حميميتو ليه بوحدو ايلى كان اتفاق مع الشريك او الشريكة ديالو. اللي خاصو يتحاكم هو ناشر الڤيديو او اللي استولى عليه وروجو.

دابا القضية فالنيابة العامة اللي حركات هاد القضية. النيابة فجهة تطوان تطوان الحسيمة. هي نفس النيابة اللي كانت دارت اجتهاد قضائي عجب كلشي فقضية فيديو الممثل البشير السكيرج اللي طلق فمو وبقى يهدر. ديك الساعة النيابة العامة مشات لهادوك الجوج اللي دارو الفيديو وخرجوه ونشروه. ما تابعش السكيرج. ما تحاكمش. كنا كنظنو باللي فكاع القضايا غاديين يتبعو هاد الاجتهاد٬ واذا بقضاء نفس الجهة لاح داك الاجتهاد وحكمو على البنت.

دابا خاص غير يطبقو داك الاجتهاد القضائي باش يحاربو المذنب الحقيقي اللي هو المروج والناشر.

موضوعات أخرى