الرئيسية > آراء > ياك دايرين حصار على المنتخب. اش جا يدير بنسعيد والسكوري؟ ما عندهم علاقة بالقطاع ما سوقهم فالكورة وعلاش كينقزو وباغيين يركبو على منتخب قبل ما تبدا الكان
01/01/2022 10:00 آراء

ياك دايرين حصار على المنتخب. اش جا يدير بنسعيد والسكوري؟ ما عندهم علاقة بالقطاع ما سوقهم فالكورة وعلاش كينقزو وباغيين يركبو على منتخب قبل ما تبدا الكان

ياك دايرين حصار على المنتخب. اش جا يدير بنسعيد والسكوري؟ ما عندهم علاقة بالقطاع ما سوقهم فالكورة وعلاش كينقزو وباغيين يركبو على منتخب قبل ما تبدا الكان

كود مصطفى الشاذلي ///

البارح زار المنتخب المغربي لكرة القدم بمجمع محمد السادس بالمعمورة بالرباط 3 وزراء: شكيب بنموسى وزير التربية الوطنية والتعليم الاولي والرياضة ومهدي بنسعيد وزير الشباب والثقافة والتواصل ويونس السكوري وزير الادماج الاقتصادي والمقاولة الصغرى الشغل والكفاءات. طبعا كان معاهم فوزي لقجع اللي عندو كاسكيطة حكومية وزير منتدب مكلف بالميزانية وفنفس الوقت رئيس الجامعة الملكية المغربية لكرة القدم.

جوج وزراء ما عندهم معنى يجيو. ما معروفش علاش جاو: الاول مهدي بنسعيد. هادا وزير قطاعات ما عندها علاقة بالكورة ولا المنتخب. جا وجاب فريقو. هو وهادوك اللي معاه جاو يتصورو وصافي. ما خاصوش يقرب للمنتخب لا هو لا غيرو. بنسعيد ايلى بغى تصاور كيف كيدير٬ عندو فين يتصور. 

الثاني هو من نفس الحزب ونفس العينة من بنادم اللي عزيز عليه يبان ويستغل اي حدث باش يحسن صورتو وهو يونس السكوري. هادي ديال الادماج الاقتصادي والمقاولة الصغرى والشغل والكفاءات. يعني مكلف بقطاعات كلها كلات لعصا مع هاد الجايحة. على ما يديها فخدمتو جاي كيجري للمنتخب. انت مالك اش من علاقة عندك كوزير بالكورة. علاش غير كيتنقز. 

بجوج هاد الوزرا الباميين خفاف وما مفهومش علاش دخلو اصلا لمجمع محمد السادس بالمعمورة.

فهاد الزيارة عرفنا باللي شكيب بنموسى عندو حتى قطاع الرياضة. هاد الوزير من نهار جا وهو مقابل غير التعليم. ما عمرو دار شي حاجة عندها علاقة بالرياضة حتى شفناه مع المنتخب. مشى لجهاز ما عندو مشاكل بحال باقي القطاعات الاخرى فالرياضة. كان خاصو يبان فميدان فيه بزاف المشاكل وما اكثرها.

فوزي لقجع هادا حضر بصفتو رئيس الجامعة الملكية المغربية لكرة القدم. يعني هو اللي استقبل زملاؤو فالحكومة. 
هاد السياسيين خاصة وزراء البام٬ يخليو عليهم المنتخب ويمشيو يقابلو ملفات كثيرة فالقطاع اللي بين يديهم. باراكا من التنقاز والخفة

موضوعات أخرى