كود سبور//

بدا النجم المغربي ياسين بونو كايتريني مرة اخرى، بعدما كان كايتعالج ويرتاح من الإصابة اللي كانت جاتو فماتش المنتخب الوطني المغربي ومنتخب إفريقيا الوسطى قبل أسبوعين، برسم إقصائيات كأس إفريقيا.

ورجع ياسين بونو للتمارين اليوم الاثنين، ودار تمرين بدني من خلال الجري حول الملعب، ودار حتى تدريبات بدنية فلاصال الإعداد البدني، وهذا الشي داخل ضمن برنامج الإعداد والتأهيل اللي دايرينو معه الهلال السعودي بالتنسيق مع المنتخب المغربي.

وباغيين الهلال السعودي والجمهور ديالهم، غير إمتى يبرا ياسين بونو ويرجع يلعب مع الفريق، حيث المرمى ديال الهلال كايكون فأمان مع بونو كثر والنجم المغربي كايعطي ثقة أكبر للاعبين صحابو.