كود سبور//

حقق المنتخب المغربي جيل زيد إنجاز متورخ بتتويجو بكأس العالم مورا الرباح على الأرجنتين فلفينال، وكان البطل الحقيقي ديال هاد التتويج هو المهاجم الرقايقي ياسر زبيري، اللي خطف الأضواء بأداء استثنائي وفعالية كبيرة قدام الكارو ديزويت.

زبيري، اللي تخرّج من أكاديمية محمد السادس، قدر يسجّل خمسة البيوت فالبطولة، منها جوج فلفينال، باش يكون هدّاف البطولة مناصفة مع ثلاثة لاعبين آخرين من مريكان، كولومبيا وفرنسا.

المهاجم المغربي فعمرو 20 عام بدا مسيرتو فـ2024 مع اتحاد توراكة، ومن بعد مشا  فاماليكاو البرتغالي فصفقة وصلت لـ600 ألف أورو، وكيعيش دابا  تألق كبيرة سوا مع الفريق البرتغالي أو مع المنتخب الوطني.

بفضل الحس التهديفي ديالو، السرعة، والذكا وسط التيران، ولى زبيري من  المواهب المغربية اللي كيعول عليها الجمهور المغربي مستقبلا، خصوصا بعدما بان فمونديال جيل زيد أنه لاعب كبير قادر يدير بلاصتو فالبطولات العالمية.

الجماهير المغربية عبّرت على الفرحة ديالها بولد الأكاديمية اللي هز الراية المغربية الفوق، واعتبراتو “زبار المغرب الجديد” اللي ممكن يشكّل مستقبل الهجوم المغربي فالمواسم الجاية.