گود سبور//

كشف موقع Dm sport البلجيكي، ان المنتخب الوطني المغربي على راس المنتخبات الأكثر تضررا من التحكيم فـ كاس أفريقيا “المغرب2025”.

وحسب هذا الموقع المتخصص، فـ المنتخب المغربي كايجي فـ المركز الثاني من ورا البنين فـ لائحة المنتخبات الأكثر تضررا من التحكيم فـ هاد كاس افريقيا.

ووضح نفس المصدر، ان المنتخب المغربي تحرم من 3 بينالتيات كانو محتملين يتصفرو لمصلاحتو، و 8 الكوفرات ما تصفرش عليها لمصلحة المنتخب المغربي، و 4 المرات كان خاص الحكم يرجع للفار ولكن ما رجعش، وفي المجموع وصل عدد الأخطاء التحكيمية فـ حق المنتخب المغربي إلى 15 حق، وهو نفس عدد الأخطاء المرتكبة على البنين، غير مع تفاوت الحجم والأهمية.

اما بحال الجزائر اللي كايغوتو بلي التحكيم تعدى عليهم فـ هاد كاس افريقيا، راه جاو فـ المركز 12 بـ10 اخطأ تحكيمي عليهم.