اسماء غربي – كود//

ويل سميث جاي للمغرب هاد الصيف ضمن جولتو العالمية بالتزامن مع إصدار ألبومو الجديد “Based on a True Story”. وهو أول ألبوم ديالو من هادي 20 عام.

ومن المقرر يشارك الممثل والرابور المريكاني، ففعاليات النسخة ال20 لمهرجان موازين، اللي غادي تنظم مابين 20 و28 يونيو الجاي فالرباط.

وعلن ويل سميث على تفاصيل الجولة الفنية اللي غادي يدير هاد الصيف، منها حفل فني نهار 25 يونيو الجاي بمنصة السويسي بالرباط.

وكشفت جمعية مغرب الثقافات فبلاغ سابق، أن النسخة الجاية د المهرجان، غاتكون مليئة بالمفاجآت لجميع محبي الموسيقى والثقافة، من خلال استضافة أبرز النجوم العالميين والعرب، والمواهب الشابة بالساحة المغربية.