كود -وكالات//

توفى الموسيقي والمنتج البريطاني ويليام أوربت على69 عام، و خلا وراه مسيرة فنية طويلة بصم فيها بشكل قوي على الموسيقى الإلكترونية والبوب العالمي، خصوصاً مني خدمتو أسماء كبيرة بحال مادونا وفرقة بلور.

أوربت، اللي كان من أهم المنتجين فالمشهد الموسيقي البريطاني، توفى فدارو نهار 23 يوليوز 2026، حسب ما علنات مصادر مقربة من العائلة والأصدقاء ،وما تمش الكشف على السبب ديال الوفاة.

الاسم ديالو ارتبط بشكل كبير بألبوم مادونا الشهير “Ray of Light”، لي خرج ف1998، واللي ساهم فيه أوربت بشكل أساسي، وقدر يدمج بين الموسيقى الإلكترونية والتريب هوب والأصوات الكلاسيكية، فواحد التجربة اللي بدلات الاتجاه الفني ديال نجمة البوب الأمريكية، الألبوم حصد عدد من جوائز غرامي، وكرّس أوربت كواحد من المنتجين فجيلو.

كما خدم مع فرقة بلور على ألبوم “13”، اللي اعتبر من الأعمال المهمة فمسيرتها، وزاد تعاون مع أسماء عالمية بحال U2 وAll Saints وبريتني سبيرز،
وخا النجاح الكبير، كانت حياة أوربت فيها حتى مراحل صعبة، لكنه بقى مستمر فالإبداع الموسيقي حتى السنوات الأخيرة.

بموتو، خسرات الساحة الموسيقية واحد المنتجين اللي كان عندهم دور كبير فإدخال الموسيقى الإلكتروني بقوة للموسيقى الجماهيرية.