گود سبور- نيوجيرسي – الميريكان//

خدام المنتخب الوطني المغربي، كايوجد مزيان للمشاركة فكأس العالم 2026، ودار اليوم الأربعاء 10 يونيو 2026 حصة تدريبية بملعب Pingry School، ضمن البرنامج الإعدادي اللي دارو الطاقم التقني استعدادا لهاد المسابقة.

الحصة التدريبية ديال السبوعا دامت شي ساعة وعشرين دقيقة، وركز فيها الناخب الوطني محمد وهبى على تعزيز الانسجام بين اللاعبين، إلى جانب الاشتغال على مجموعة من الجوانب التقنية والتكتيكية، بهدف الرفع من جاهزية الفريق.

وعرفت التدريبات وتيرة عمل مرتفعة وانخراط من طرف اللاعبين، اللي بينو على روح معنوية عالية ورغبة قوية فتقديم احسن المستويات خلال هذا الموعد الكروي العالمي.

وكايجود المنتخب الوطني المغربي باش يلعب أول ماتشات فكأس العالم 2026، وهذا الشي السبت الجاي، ملي غادي يواجه المنتخب البرازيلي ضمن الجولة الأولى من منافسات المجموعة الثالثة، فماتش معولين السبوعا يربحوه باش يبداو بداية مزيانة.