كود ـ الرباط//

وضح وزير العدل، عبد اللطيف وهبي، فاجتماع لجنة العدل والتشريع فمجلس النواب على ميزانية الوزارة لسنة 2026، علاش تراجُعو على مشروع قانون الإثراء غير المشروع، وقال باللي التطبيق ديالو بطريقة كيفاش مقترح يقدر يفتح الباب لشكايات كيدية ضد الموظفين العموميين.

وهبي زاد أكد بقولو: “لي شاف فيكم الفساد يجي يعكر ليا، راه مكايبانش بالعين”، ووضح باللي الفساد ما كيتشافش بالعين غير هكا، ومحاربتو خاصو مؤسسات قوية وآليات واضحة وفصول وقوانين واضحة للتحري والمساءلة، بلا شعارات خاوية ولا اتهامات جزافية لي تضر بصورة المرفق القضائي والإداري.

وذكر الوزير باللي أي موظف يقدر يتعرض للشكايات ظلماً حتى بسبب حوايج بسيطة، وهذا كيهدد مبدأ براءة المتهم لي هو حق دستوري وهادشي كيخلي الموظف تحت ضغط التحقيقات وطلع هبط على حد قولو، وأكد باللي مواجهة الفساد خاصو جهود مؤسساتية جدية وشفافية كاملة فالإجراءات.