كود سبور//

أكد سعيد وهبي الناطق الرسمي السابق للرجاء الرياضي وأمين مال النادي خلال المرحلة السابقة للمكتب المديري ديال الرئيس الأسبق رشيد الأندلسي، أن داكشي اللي جا فالتقرير المالي فالجمع العام لموسم 2021-2022، مضبوط وشفاف، وأن داكشي ديال الرجاء دخلو فهاديك المرحلة 14 و17 مليار سنتيم غير كذوب.

ورد سعيد وهبي، بعد نهاية الجمع العام ديال الرجاء الرياضي، على المشككين وعلى المنخرطين اللي تحفظو على التقرير المالي وقررو يمشيو للقضاء، وقال فتصريح لموقع “كود”: “المرحلة اللي كنا حنا مسؤولين عليها، من 1 يوليوز 2021 حتى 27 أكتوبر 2021، فالمبالغ النهائية اللي تمت المصادقة عليها هي 11 مليار سنتيم و100 مليون كمداخيل وصرفنا 10 المليار فاصلة 5”.

وكمل سعيد وهبي، وقال: “المبالغ ديال 14 مليار و17 مليار هي مبالغ غير موثقة، وماشي صحيحة، والمبلغ اللي صحيح هو اللي قلت 11 مليار فاصلة واحد فالمداخيل و 10 فاصلة 5 فالمصاريف، وهاد الأرقام راه صادق عليه لوديتور، وكلشي داز بطريقة شفافة وديمقراطية”.